Azərbaycan Respublikasının Prezidenti Zati-aliləri cənab İlham Əliyevə Hörmətli cənab Prezident, Müzəffər Ali Baş Komandan.
Sizi doğum gününüz münasibətilə "Azərbaycan Mərkəzi" İctimai Fondunun kollektivi adından səmimi-qəlbdən təbrik edir, ən xoş arzularımızı çatdırıram.
Zati-alinizin müdrik rəhbərliyi, xalqımıza göstərdiyiniz yüksək diqqət və qayğı, Vətənimizin siyasi, iqtisadi və mədəni inkişafı naminə yorulmaz fəaliyyətiniz hər bir azərbaycanlı üçün iftixar mənbəyidir.
Həyata keçirdiyiniz uzaqgörən siyasət, milli maraqlara sarsılmaz sədaqətiniz, Azərbaycanın beynəlxalq nüfuzunun daha da möhkəmlənməsində əvəzsiz rolunuz Sizə dünya miqyasında böyük hörmət və ehtiram qazandırmışdır.
Sizə möhkəm cansağlığı, tükənməz enerji, ailə səadəti və Vətənimizin tərəqqisi naminə bütün işlərinizdə yeni uğurlar arzulayıram.
Zati-alinizin rəhbərliyi ilə doğma Azərbaycanımızın daha da qüdrətlənəcəyinə, xalqımızın rifahının daim yüksələcəyinə inamımız sonsuzdur.
Hörmətlə, İlkin Orucov Qazaxıstanda fəaliyyət göstərən "Azərbaycan Mərkəzi" İctimai Fondunun direktoru