Ümumi təhsil haqqında

1. v115.01.20261 dəyişiklik

   “Ümumi təhsil haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Bu qanuna dəyişikliklər (10)

ümumi təhsilfəsil:1/maddə:1/hissə:1.0/bənd:1.0.1

təhsilalanlara elmlərin ümumi əsaslarının öyrədilməsini, zəruri bilik, bacarıq və vərdişlərin aşılanmasını, onların həyata və əmək fəaliyyətinə hazırlanmasını təmin edən təhsil pilləsi

akkreditasiya şəhadətnaməsifəsil:1/maddə:1/hissə:1.0/bənd:1.0.10

müvafiq icra hakimiyyəti orqanının müəyyən etdiyi orqan (qurum) tərəfindən verilən və ümumi təhsil müəssisəsinin fəaliyyətinin davam etdirilməsinə hüquqi əsas yaradan sənəd

azkomplektli məktəbfəsil:1/maddə:1/hissə:1.0/bənd:1.0.11

paralel siniflərsiz və şagirdlərinin ümumi sayı 100 nəfərdən az olan məktəb

beynəlxalq akkreditasiyafəsil:1/maddə:1/hissə:1.0/bənd:1.0.12

ümumi təhsil müəssisənin fəaliyyətinin beynəlxalq standartlara uyğunluğunun beynəlxalq təşkilatlar tərəfindən könüllü əsasda qiymətləndirilməsi

dərsdənkənar məşğələ (fakültativ kurs)fəsil:1/maddə:1/hissə:1.0/bənd:1.0.15

şagirdlərin meyil, maraq və qabiliyyətinə uyğun olaraq, biliklərinin genişlənməsinə, yaradıcılıq qabiliyyətinin inkişafına və peşəyönümünə yönəlmiş məşğələ forması

fənn kurikulumufəsil:1/maddə:1/hissə:1.0/bənd:1.0.16

fənnin məqsəd və vəzifələrini, fənnin tədrisinə verilən tələbləri, ümumi təhsilin səviyyələri və hər bir sinif üzrə təlim nəticələrini, təlim strategiyalarını, fəndaxili və fənlərarası inteqrasiyanı, qiymətləndirmə vasitələri və meyarlarını, təlim materiallarının planlaşdırılması üzrə metodik tövsiyələri özündə ehtiva edən sənəd

günüuzadılmış qrupfəsil:1/maddə:1/hissə:1.0/bənd:1.0.17

dərsdən sonrakı və ya dərsdən əvvəlki vaxtlarda fəaliyyət göstərən və ibtidai sinif şagirdlərinin inkişafına yönəlmiş təşkilati forma

himayəçilər şurasıfəsil:1/maddə:1/hissə:1.0/bənd:1.0.18

ümumi təhsil müəssisəsinin fəaliyyətində, mövcud problemlərinin həllində yaxından iştirak edən, təhsil müəssisəsinə ayrı-ayrı fiziki və hüquqi şəxslər tərəfindən göstərilən yardımların toplanması, qeydiyyata alınması və istifadə olunmasına ictimai nəzarəti həyata keçirən, könüllülərdən ibarət özünüidarəetmə orqanı

ümumi təhsil müəssisəsifəsil:1/maddə:1/hissə:1.0/bənd:1.0.2

ümumi təhsil pilləsinin hər üç səviyyəsinin və ya hər hansı səviyyəsinin (səviyyələrinin) təşkil olunduğu təhsil müəssisəsi

icbari dispanserizasiyafəsil:1/maddə:1/hissə:1.0/bənd:1.0.20

uşaqların sağlamlığının qorunması, normal fiziki inkişafının təmin edilməsi və xəstəliyin ilkin mərhələdə aşkar edilməsi məqsədilə kompleks profilaktika, diaqnostika və müalicə-sağlamlaşdırıcı tədbirlərdən ibarət olan aktiv dinamik müşahidə sistemi

innovasiya (ümumi təhsildə)fəsil:1/maddə:1/hissə:1.0/bənd:1.0.22

təhsilin məzmunu, qiymətləndirilməsi və idarəolunması, təlim strategiyaları və metodikalarının keyfiyyətcə yaxşılaşdırılması sahəsində tətbiq edilən yeniliklər

inteqrasiya (ümumi təhsildə)fəsil:1/maddə:1/hissə:1.0/bənd:1.0.23

təlim prosesini təşkil edən mərhələlər və müxtəlif fənlər üzrə məzmun standartları arasında üzvi əlaqələrin qurulmasını ehtiva edən didaktik prinsip

inteqrasiya təlimli internat tipli təhsil müəssisəsifəsil:1/maddə:1/hissə:1.0/bənd:1.0.24

sağlamlıq imkanları məhdud şəxslərlə sağlam şəxslərin birgə təhsil alması üçün xüsusi şərait yaradılmış ümumi təyinatlı təhsil müəssisəsi

qabaqcıl (yaradıcı) pedaqoji təcrübəfəsil:1/maddə:1/hissə:1.0/bənd:1.0.25

müəllim tərəfindən pedaqoji prosesdə orijinal metodlar, vasitələr, üsullar tətbiq edilməklə, pedaqoji ustalıq və novatorluq nümayiş etdirilməklə innovativ fəaliyyət nəticəsində səmərəli nəticələr əldə edilməsi

məktəbəhazırlıq təhsilifəsil:1/maddə:1/hissə:1.0/bənd:1.0.27

5 yaşlı uşaqların məktəb təliminə psixoloji hazırlığının təmin edilməsi məqsədilə təşkil edilən ümumi təhsilin ilk mərhələsi

metodik şurafəsil:1/maddə:1/hissə:1.0/bənd:1.0.28

ümumi təhsil müəssisəsində metodik xidmətin təşkili və həyata keçirilməsini təmin edən qurum

ümumi orta təhsilfəsil:1/maddə:1/hissə:1.0/bənd:1.0.3

ümumi təhsilin icbari hesab olunan və məzunlarına təhsil haqqında dövlət sənədinin verilməsi ilə başa çatan səviyyəsi

müəllim köməkçisifəsil:1/maddə:1/hissə:1.0/bənd:1.0.30

inklüziv təhsilin həyata keçirildiyi ümumi təhsil müəssisələrində pedaqoji prosesin təşkilində müəllimə kömək edən ixtisaslı mütəxəssis

pedaqoji fəaliyyətfəsil:1/maddə:1/hissə:1.0/bənd:1.0.31

təhsilalanların bilik və bacarıqlara yiyələnməsinə, Azərbaycan xalqının dəyərləri və ümumbəşəri dəyərlər ruhunda tərbiyəsinə, şəxsiyyət kimi formalaşmasına yönəlmiş fəaliyyət

pedaqoji şurafəsil:1/maddə:1/hissə:1.0/bənd:1.0.32

ümumi təhsil müəssisəsinin kollegial ali idarəetmə orqanı

sağlamlıq imkanları məhdud olan şəxsfəsil:1/maddə:1/hissə:1.0/bənd:1.0.33

xüsusi şərait yaradılmadan təhsil almasında çətinliklər yaranan fiziki çatışmazlığı, əqli və (və ya) psixi ləngimələri olan şəxs

sertifikatlaşdırılmafəsil:1/maddə:1/hissə:1.0/bənd:1.0.34

dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) pedaqoji fəaliyyətlə məşğul olan, ali və orta ixtisas təhsilinə malik təhsilverənlərin peşəkarlıq səviyyəsinin və peşə yararlılığının yoxlanılması proseduru

sinifdənxaric və məktəbdənkənar tədbirfəsil:1/maddə:1/hissə:1.0/bənd:1.0.35

ümumi təhsil müəssisəsində və ya ümumi təhsil müəssisəsindən kənar yerlərdə şagirdlərin əlavə bilik və bacarıqlar əldə etməsinə, dünyagörüşünün və məlumatlılıq səviyyəsinin genişlənməsinə, habelə asudə vaxtının səmərəli təşkilinə yönəlmiş tədbirlər

tam orta təhsilfəsil:1/maddə:1/hissə:1.0/bənd:1.0.37

ümumi təhsilin ayrı-ayrı təmayüllər üzrə və ya təmayüllər olmadan təşkil edilən və məzunlarına təhsil haqqında dövlət sənədinin verilməsi ilə başa çatan üçüncü səviyyəsi

tədris proqramıfəsil:1/maddə:1/hissə:1.0/bənd:1.0.38

hər bir fənnin kurikulumunda təsbit olunmuş məzmun standartlarının reallaşdırılmasına xidmət edən tədris vahidlərinin ümumi məcmusu

internat tipli ümumi təhsil müəssisələrifəsil:1/maddə:1/hissə:1.0/bənd:1.0.4

sutkalıq əsasda fəaliyyət göstərən və ayrı-ayrı kateqoriyadan olan təhsilalanlar üçün müvafiq təhsil proqramları əsasında təhsil prosesinin həyata keçirildiyi ümumi təyinatlı internat tipli ümumtəhsil məktəbi, internat tipli lisey, internat tipli gimnaziya, inteqrasiya təlimli internat tipli ümumtəhsil məktəbi, internat tipli xüsusi ümumtəhsil məktəbi, internat tipli sanator ümumtəhsil məktəbi

təlim metodufəsil:1/maddə:1/hissə:1.0/bənd:1.0.40

müəllim və şagird arasında proqramda nəzərdə tutulmuş bilik, bacarıq və vərdişlərin ötürülməsi və mənimsənilməsinə, təlimin öyrədici, inkişafetdirici və tərbiyəedici məqsədlərinə nail olunmasına xidmət edən qarşılıqlı proses

təlim strategiyasıfəsil:1/maddə:1/hissə:1.0/bənd:1.0.41

psixoloji və didaktik prinsiplər əsasında müəyyən edilib təhsil prosesində tətbiq olunan forma, metod, üsul və vasitələrin məcmusu

təmayülləşməfəsil:1/maddə:1/hissə:1.0/bənd:1.0.42

tam orta təhsil səviyyəsində təlimin şagirdlərin meyil, maraq və qabiliyyətlərinə uyğun istiqamətlər üzrə müvafiq fənlərə üstünlük verilməklə xüsusi tədris planı və proqramları əsasında təşkili

ümumi təhsil pilləsinin səviyyələrifəsil:1/maddə:1/hissə:1.0/bənd:1.0.5

ümumi təhsil pilləsini təşkil edən və varislik əsasında hər biri üzrə müvafiq tədris proqramlarının həyata keçirildiyi ibtidai, ümumi orta və tam orta təhsil səviyyələri

ümumi təhsil müəssisəsinin akkreditasiyasıfəsil:1/maddə:1/hissə:1.0/bənd:1.0.6

təhsil müəssisəsinin fəaliyyətinin dövlət təhsil standartlarına uyğunluğunun və onun statusunun müəyyənləşdirilməsi prosesi

ümumi təhsil müəssisələrində psixoloji xidmətfəsil:1/maddə:1/hissə:1.0/bənd:1.0.7

valideynlərlə, rəhbər və pedaqoji işçilərlə əməkdaşlıq yolu ilə şagirdlərin meyil və maraqlarının, təhsil, sosial-mənəvi problemlərinin öyrənilməsini və onlara zəruri hallarda pedaqoji-psixoloji dəstək göstərilməsini təmin edən xidmət növü

ümumi təhsilin dövlət standartıfəsil:1/maddə:1/hissə:1.0/bənd:1.0.8

ümumi təhsilin məzmununa, idarə olunmasına, infrastrukturuna, maddi-texniki və tədris bazasına, təhsilverənlərin keyfiyyət göstəricilərinə, təhsilalanların bilik, bacarıq və vərdişlərinə verilən minimum tələb və normaları əhatə edən ümumi normalar məcmusu

ümumi təhsil proqramı (kurikulum)fəsil:1/maddə:1/hissə:1.0/bənd:1.0.9

fənlər üzrə kurikulumları, dərsdənkənar məşğələləri (fakültativ kursları), məktəbdənkənar təhsil proqramlarını, tədris planlarını özündə əks etdirən dövlət sənədi

beynəlxalq səviyyədə akkreditasiya olunan təhsil proqramıdaxilifəsil:1/maddə:1/hissə:1.0/bənd:1.0.13

beynəlxalq təşkilat və ya xarici dövlət tərəfindən müəyyən edilmiş standartlara uyğun tətbiq edilən və məzunlarına iki və daha çox xarici ölkələrin ali təhsil müəssisələrində təhsil almaq hüququ verən təhsil proqramı

defektoloqdaxilifəsil:1/maddə:1/hissə:1.0/bənd:1.0.14

əqli və ya fiziki məhdudiyyətləri olan uşaqların təhsili və korreksiyası ilə məşğul olan ali təhsilli mütəxəssis

inklüziv təhsildaxilifəsil:1/maddə:1/hissə:1.0/bənd:1.0.21

sağlamlıq imkanları məhdud olan uşaqların ümumi təhsil müəssisəsində xüsusi şərait yaratmaqla xüsusi təlim vasitəsilə sağlam şagirdlərlə eyni sinifdə təhsilə cəlb edilməsi

loqopeddaxilifəsil:1/maddə:1/hissə:1.0/bənd:1.0.26

uşaqların nitq pozuntularının korreksiyasını həyata keçirən ali təhsilli mütəxəssis

metodistdaxilifəsil:1/maddə:1/hissə:1.0/bənd:1.0.29

ümumi təhsil müəssisələrində müvafiq fənnin tədrisinə metodik rəhbərliyi həyata keçirən, müasir təlim metodları və texnologiyalarının tətbiqi üzrə müəllimlərə bələdçilik xidməti göstərən ali pedaqoji təhsilli mütəxəssis

stasionar təhsildaxilifəsil:1/maddə:1/hissə:1.0/bənd:1.0.36

uzunmüddətli müalicədə olan şəxslər üçün müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş qaydada ümumi təhsilin müalicə müəssisələrində müvafiq təhsil proqramlarına uyğun təşkili

təhsil xidmətləridaxilifəsil:1/maddə:1/hissə:1.0/bənd:1.0.39

"Təhsil haqqında" Azərbaycan Respublikasının Qanunu ilə müəyyən edilmiş xidmətlər, o cümlədən ümumi təhsil müəssisəsinin nizamnaməsi ilə müəyyən edilmiş vəzifələrinə uyğun olaraq həyata keçirdiyi xidmətlər

xüsusi təhsil müəssisəsidaxilifəsil:1/maddə:1/hissə:1.0/bənd:1.0.43

sağlamlıq imkanları məhdud olan şəxslərin təhsil alması üçün xüsusi dövlət təhsil standartları və proqramları əsasında təhsil prosesini həyata keçirən təhsil müəssisəsi

inteqrasiya təlimli təhsil müəssisəsidaxilifəsil:1/maddə:1/hissə:1.0/bənd:1.0.44

sağlamlıq imkanları məhdud şəxslərlə sağlam şəxslərin birgə təhsil alması üçün xüsusi şərait yaradılmış ümumi təhsil müəssisəsi