“Azərbaycan Respublikasında rəsmi statistikanın inkişafına dair 2026–2030-cu illər üçün Dövlət Proqramı”nın təsdiq edilməsi haqqında

Azərbaycan Respublikası Prezidentinin 2025-ci il 25 dekabr tarixli Sərəncamı ilə təsdiq edilmişdir Azərbaycan Respublikasında rəsmi statistikanın inkişafına dair 2026—2030-cu illər üçün Dövlət Proqramı

1. Qısa xülasə Sosial-iqtisadi inkişaf sahəsində dövlət siyasətinin prioritet istiqamətlərini gerçəkləşdirmək və əsas məqsədlərinə çatmaq üçün dövlət proqramlarının, strategiyaların, konsepsiyaların və digər strateji sənədlərin hazırlanması, onların icrasına nəzarətin həyata keçirilməsi və qarşıya qoyulmuş hədəflərə nailolma vəziyyətinin qiymətləndirilməsi, yeni çağırışlar və artan ehtiyaclar fonunda istifadəçilərin, o cümlədən aidiyyəti dövlət orqanlarının (qurumlarının) rəsmi statistika məlumatlarına tələbatının ödənilməsi rəsmi statistikanın əsas vəzifələrindən biridir. Bununla əlaqədar, iqtisadiyyatın ayrı-ayrı sahələrində statistik göstəricilər sisteminin, metodologiyaların hazırlanması və təkmilləşdirilməsi, müşahidələr aparılması, əldə edilən statistik məlumatların yayımı, ümumilikdə rəsmi statistika qarşısında duran vəzifələrin vaxtında və keyfiyyətlə icrası məqsədilə rəsmi statistika materialları istehsalının hüquqi və informasiya təminatının, beynəlxalq əməkdaşlığın, statistika orqanlarının maddi-texniki bazasının və kadr potensialının gücləndirilməsi, habelə milli statistika sisteminin növbəti çoxillik dövr üzrə strateji inkişaf prioritetlərinin müəyyənləşdirilməsi məsələləri "Azərbaycan Respublikasında rəsmi statistikanın inkişafına dair 2026—2030-cu illər üçün Dövlət Proqramı"nın (bundan sonra — Dövlət Proqramı) əsasını təşkil edir.

2. Qlobal trendlər BMT-nin Dayanıqlı İnkişaf Sammitində qəbul olunmuş "Dünyamızın transformasiyası: 2030-cu ilədək dayanıqlı inkişaf sahəsində Gündəlik"də statistika potensialının gücləndirilməsini öhdəlik kimi qəbul etməklə yanaşı, üzv dövlətlər Dayanıqlı İnkişaf Məqsədlərində qarşıya qoyulmuş hədəflərə nailolma vəziyyətinin monitorinqi, müəyyən edilmiş sosial-iqtisadi siyasət kursuna uyğun çevik idarəetmənin təmini üçün dəqiq və dolğun, dezaqreqasiya olunmuş rəsmi statistik məlumatları hazırlayaraq istifadəçilərə təqdim etməlidirlər. Bununla əlaqədar, BMT-nin Statistika Komissiyasının hər il keçirilən sessiyasında Dayanıqlı İnkişaf Məqsədləri üzrə göstəricilər, məqsədlərə nailolma vəziyyəti üzrə işlərin gedişatı və statistik potensialın gücləndirilməsi ilə əlaqədar mütəmadi məruzələr hazırlanaraq müzakirəyə çıxarılır, əldə olunmuş uğurlara və prioritetlərə baxılır, müvafiq qərarlar qəbul edilməklə dünya ölkələrinə bu sahədə fəaliyyətin möhkəmləndirilməsi ilə bağlı tövsiyə və çağırışlar edilir. Rəsmi statistika məlumatlarının beynəlxalq səviyyədə müqayisəliliyinin təmin edilməsi üçün BMT və digər beynəlxalq təşkilatlar tərəfindən qəbul olunan metodologiyaların, standartların milli səviyyədə tətbiqi və müvafiq statistik məlumatların hazırlanaraq istifadəçilərə təqdim olunması, ölkə səviyyəsində informasiya dəstəyinə ehtiyacın ödənilməsi rəsmi statistikanın davamlı təkmilləşdirilməsini zəruri edir. Bu məqsədlə milli statistika sistemi üzrə qlobal qiymətləndirmələr (auditlər) aparılır, strateji baxışlar və inkişaf istiqamətləri müəyyənləşdirilir, rəsmi statistikanın inkişafına dair milli proqramlar, strategiyalar, konsepsiyalar və s. qəbul edilərək onların icrası ilə bağlı lazımi tədbirlər görülür. Dövlət Proqramının icrası demoqrafiya və əhali sakinliyi, milli hesablar, kənd təsərrüfatı, sənaye, nəqliyyat və turizm, işçi qüvvəsi, ev təsərrüfatlarının büdcələri, əhalinin fasiləsiz təhsildə iştirakı, əlilliyi olan şəxslərin, peşə və orta ixtisas təhsili müəssisələri məzunlarının məşğulluğu ilə əlaqədar aktual statistik məlumatların əldə olunmasını, eləcə də statistikanın yeni sahələri kimi formalaşmaqda olan yaşıl inkişaf, rəqəmsal iqtisadiyyat, mədəni və yaradıcı sənaye sahələri, elm, texnologiya və innovasiyalarla bağlı yeni göstəricilər üzrə rəsmi statistika materialları istehsalının təşkilini, inzibati məlumat mənbələrindən istifadəni genişləndirməklə respondentlərin üzərinə düşən statistik yükün azaldılmasını, eyni zamanda, beynəlxalq səviyyədə makroiqtisadi müqayisələr üçün ən mühüm beynəlxalq statistika standartı kimi qəbul olunan BMT-nin Statistika Komissiyası tərəfindən qəbul edilmiş Milli Hesablar Sisteminin son versiyasının (bundan sonra — MHS—2025) tətbiqi sahəsində tədbirlər görülməsini və beynəlxalq müqayisəliliyi təmin etməklə informasiya təminatının yüksəldilməsinə, həmçinin rəsmi statistika materialları istehsalının hüquqi və informasiya təminatının, beynəlxalq əməkdaşlığın, statistika orqanlarının maddi-texniki bazasının və kadr potensialının gücləndirilməsinə, milli statistika sisteminin fəaliyyətini qiymətləndirməklə növbəti strateji inkişaf prioritetlərinin müəyyən olunmasına, ümumilikdə rəsmi statistikanın dayanıqlı inkişafına mühüm təkan verəcəkdir.

3. Mövcud vəziyyətin təhlili Rəsmi statistika məlumatlarının beynəlxalq müqayisəliliyinin təmin edilməsi üçün milli statistika sisteminin beynəlxalq standartlara uyğun təkmilləşdirilməsi və dünya statistika sisteminə inteqrasiyası Azərbaycan xalqının Ümummilli Lideri Heydər Əliyevin adı ilə bağlıdır. Ölkədə Ulu Öndərin rəhbərliyi ilə başlanılmış və sonrakı illərdə uğurla davam etdirilən islahatlar rəsmi statistikanın da inkişafına güclü təkan vermiş, statistika sisteminin hüquqi bazası yaradılmış, bu sahədə ardıcıl icra edilmiş 6 dövlət proqramı çərçivəsində milli statistik təsnifatların, müasir metodologiyaların hazırlanması və tətbiqi, Milli Hesablar Sisteminin qurulması, yeni statistika sahələrinin yaradılması və təkmilləşdirilməsi, istifadəçilərin statistik məlumatlara tələbatının ödənilməsi, elektron statistikanın inkişafı, sahibkarların üzərinə düşən statistik yükün azaldılması, rəsmi statistika materiallarının istehsalı proseslərinin səmərəliliyinin yüksəldilməsi, keyfiyyəti idarəetmə sisteminin tətbiqi, metaməlumatların işlənilməsi, statistika orqanlarının maddi-texniki bazasının gücləndirilməsi istiqamətində mühüm tədbirlər görülmüşdür. İxtisaslaşmış beynəlxalq təşkilatlar tərəfindən aparılmış qlobal qiymətləndirmədə xarici ekspertlər Azərbaycan Respublikasının milli statistika sistemində həyata keçirilən islahatları yüksək qiymətləndirərək onların beynəlxalq standartlara uyğun olduğunu qeyd etmiş, Azərbaycan Respublikasının Dövlət Statistika Komitəsi (bundan sonra — DSK) "Rəsmi statistika məlumatlarının istehsalı və yayılması sahəsində ISO 9001: 2015 Keyfiyyəti İdarəetmə Sistemi"nə dair beynəlxalq uyğunluq sertifikatına layiq görülmüşdür. Beynəlxalq təşkilatlarla, həmçinin xarici ölkələrin milli statistika xidmətləri ilə qarşılıqlı metodoloji-məlumat mübadiləsi davam etdirilmiş, dövlət orqanlarından (qurumlarından), fiziki və hüquqi şəxslərdən daxil olan çoxsaylı sorğular əsasında rəsmi statistika məlumatları hazırlanaraq təqdim olunmuş, istifadəçilərə informasiya dəstəyi göstərilmiş, rəsmi internet səhifəsində yayımlanmaqla yanaşı, statistik məcmuə və bülletenlər nəşr edilmiş, məlumat bazaları, o cümlədən "Azərbaycanın Statistik İnformasiya Xidməti — ASİS" və "İnzibati Məlumatların İdarə Olunması Sistemi — ADİS" yaradılaraq istifadəyə verilmişdir. Qeyd olunanlarla yanaşı, Azərbaycan Respublikası Prezidentinin 2021-ci il 2 fevral tarixli 2469 nömrəli Sərəncamı ilə təsdiq edilmiş "Azərbaycan 2030: sosial-iqtisadi inkişafa dair Milli Prioritetlər", qəbul edilmiş müxtəlif dövlət proqramlarında və strategiyalarda qarşıya qoyulmuş hədəflərə, habelə Dayanıqlı İnkişaf Məqsədlərinə nailolma vəziyyətinin statistik qiymətləndirilməsi, artan istifadəçi tələbatının qarşılanması, eləcə də beynəlxalq müqayisəliliyin təmin olunması üçün tətbiq edilən statistik metodologiya, təsnifat və digər standartlarda baş verən dəyişiklik və təkmilləşmələr rəsmi statistikanın inkişafı ilə bağlı yeni strateji hədəflərin müəyyənləşdirilməsini və reallaşdırılmasını şərtləndirir.

4. Dövlət Proqramının hədəf göstəriciləri

4.1. Dövlət Proqramının icrası nəticəsində aşağıdakı hədəflərə nail olunması nəzərdə tutulur:

4.1.1. Statistika müşahidələrinin təşkili və onlara dair metodologiyaların hazırlanması sahəsində:

4.1.1.1. əmək, demoqrafiya və əhali sakinliyi, yaşıl inkişaf, rəqəmsal iqtisadiyyat, mədəni və yaradıcı sənaye sahələri, elm, texnologiya və innovasiyalar üzrə statistik göstəricilər sisteminin son beynəlxalq metodoloji tövsiyələrə uyğunlaşdırılmaqla inkişaf etdirilməsi;

4.1.1.2. işçi qüvvəsinə, əhalinin fasiləsiz təhsildə iştirakına, əlilliyi olan şəxslərin, peşə və orta ixtisas təhsili müəssisələri məzunlarının məşğulluğuna, ev təsərrüfatlarında istehsal edilən sənaye məhsullarına, ət istehsalına, sənaye müəssisələrində istehsal güclərindən istifadəyə, avtomobil nəqliyyatı ilə yük və sərnişin daşınmalarına, daxili turizmə, gəlmə və getmə turizminə, ev təsərrüfatları büdcələrinin tədqiqinə, ev təsərrüfatlarında informasiya və kommunikasiya texnologiyalarından istifadəyə dair, eləcə də ehtiyat və istifadə cədvəllərinin tərtib edilməsi üçün statistik məlumatların hazırlanması və yayılması;

4.1.1.3. MHS—2025-in Azərbaycan Respublikasında tətbiqi ilə bağlı 2030-cu ilədək nəzərdə tutulmuş tədbirlərin icrası;

4.1.2. Rəsmi statistika materialları istehsalının hüquqi və informasiya təminatı sahəsində:

4.1.2.1. rəsmi statistika məqsədləri üçün inzibati məlumatlardan, peyk müşahidəsi məhsullarından istifadənin genişləndirilməsi, respondentlərin üzərinə düşən statistik yükün azaldılması, statistik məqsədlər üçün çəkilən xərclərə, sərf edilən vaxta qənaət edilməsi;

4.1.2.2. rəsmi statistika məlumatlarını geoməkan (kartoqrafiya, kadastr, torpaq) məlumatları ilə əlaqələndirməklə onların dezaqreqasiya səviyyəsinin yüksəldilməsi;

4.1.2.3. sahibkarlıq subyektlərində baş verən demoqrafik proseslər (biznes demoqrafiyası) üzrə informasiya ehtiyatının yaradılması;

4.1.2.4. yeni milli "İqtisadi fəaliyyət növləri təsnifatı" əsasında məlumatların toplanılması, işlənilməsi və yayılmasının strukturlaşdırılması, reyestr və məlumat bazalarının aktuallaşdırılması;

4.1.3. Beynəlxalq əməkdaşlıq sahəsində:

4.1.3.1. beynəlxalq metodoloji sənədlərin hazırlanması və təkmilləşdirilməsi prosesinə Azərbaycan Respublikasının töhfəsinin artırılması;

4.1.3.2. Azərbaycan Respublikasının statistika sahəsində qabaqcıl təcrübəsinin yayılması ilə milli statistika sisteminin beynəlxalq nüfuzunun yüksəldilməsi;

4.1.3.3. beynəlxalq təşkilatların və xarici dövlətlərin aidiyyəti orqanları (qurumları) ilə statistika sahəsində təcrübə mübadiləsi, habelə təlimlər əsasında yeni biliklərin və təcrübənin əldə edilməsi, innovativ yanaşmaların ölkədə tətbiqi;

4.1.4. Maddi-texniki bazanın və kadr potensialının gücləndirilməsi sahəsində:

4.1.4.1. informasiya-kommunikasiya texnologiyaları (bundan sonra — İKT) sistemlərinin təkmilləşdirilməsi ilə respondentlər tərəfindən statistik hesabatların tərtib olunmasına sərf edilən vaxtın azaldılması;

4.1.4.2. statistik sorğular aparılmasına cəlb olunan sayıcıların fəaliyyətinə nəzarət prosedurlarının səmərəliliyinin artırılması;

4.1.4.3. rəsmi statistika materiallarının istehsalı proseslərinin avtomatlaşdırılmasının təkmilləşdirilməsi yolu ilə onların səmərəliliyinin və məhsuldarlığının yüksəldilməsi;

4.1.4.4. yüksəkixtisaslı, müasir çağırışlara cavab verə bilən kadrların hazırlanması, rəsmi statistikada data elminin və süni intellektin tətbiqi imkanlarının genişləndirilməsi, gənclərin statistik savadlılığının və data analitikası ilə bağlı peşələrə marağının artırılması;

4.1.5. Milli statistika sisteminin strateji inkişaf prioritetlərinin müəyyənləşdirilməsi sahəsində:

4.1.5.1. milli statistika sisteminin qlobal qiymətləndirilməsinin aparılması;

4.1.5.2. statistika orqanları tərəfindən istifadəçilərə göstərilən statistik xidmətlərin keyfiyyətinin yüksəldilməsi.

5. Dövlət Proqramının məqsədləri

5.1. Dövlət Proqramının əsas məqsədi sosial-iqtisadi inkişaf sahəsində dövlət siyasətinin prioritetlərinə və məqsədlərinə çatmaq üçün dövlət proqramlarının, strategiyaların, konsepsiyaların və bu kimi digər strateji sənədlərin hazırlanması, onların icrasına nəzarətin həyata keçirilməsi və qarşıya qoyulmuş hədəflərə nailolma vəziyyətinin qiymətləndirilməsi ilə bağlı, habelə yeni çağırışlar və artan tələblər fonunda istifadəçilərin, o cümlədən aidiyyəti dövlət orqanlarının (qurumlarının) rəsmi statistika məlumatlarına tələbatını ödəməklə rəsmi statistikanın davamlı və dayanıqlı inkişafını təmin etməkdir. Bununla əlaqədar aşağıdakı məqsədlər qarşıya qoyulmuşdur:

5.1.1. sosial, iqtisadi və çoxsahəli statistika sahəsində statistik sorğuların təşkili, göstəricilər sistemlərinin və metodologiyaların hazırlanması və (və ya) təkmilləşdirilməsi, MHS—2025-in Azərbaycan Respublikasında tətbiqi, ölkə iqtisadiyyatının strukturunun və sahələrarası əlaqələrin təhlilinə imkan verən ehtiyat və istifadə cədvəllərinin tərtib edilməsi;

5.1.2. rəsmi statistik materialların istehsalının hüquqi və informasiya təminatının gücləndirilməsi;

5.1.3. beynəlxalq əməkdaşlığın genişləndirilməsi;

5.1.4. maddi-texniki bazanın və kadr potensialının gücləndirilməsi;

5.1.5. milli statistika sisteminin strateji inkişaf prioritetlərinin müəyyənləşdirilməsi.

6. Dövlət Proqramının prioritet istiqamətləri

6.1. Dövlət Proqramı çərçivəsində Azərbaycan Respublikasında milli statistika sisteminin inkişafının təmin edilməsi üçün ümumilikdə 40, o cümlədən sosial, iqtisadi və çoxsahəli statistika sahəsində müşahidələrin təşkili və onlara dair metodologiyaların təkmilləşdirilməsi üçün 23, rəsmi statistika materiallarının istehsalının hüquqi və informasiya təminatı üçün 5, beynəlxalq əməkdaşlıq üçün 3, maddi-texniki bazanın və kadr potensialının gücləndirilməsi üçün 6, milli statistika sisteminin strateji inkişaf prioritetlərinin müəyyənləşdirilməsi üçün 3 tədbirin icrası ilə bağlı müvafiq işlər aşağıdakı prioritet istiqamətlər üzrə həyata keçiriləcəkdir:

6.1.1. Statistik müşahidələr və onlara dair metodologiyalar:

6.1.1.1. Əsaslandırma: əmək, demoqrafiya və əhali sakinliyi, yaşıl inkişaf, rəqəmsal iqtisadiyyat, mədəni və yaradıcı sənaye sahələri, elm, texnologiya və innovasiyalar statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi məqsədilə həmin sahələr üzrə statistik göstəricilər sistemlərinin hazırlanması, istifadəçi tələbatının ödənilməsi məqsədilə işçi qüvvəsinə, əhalinin fasiləsiz təhsildə iştirakına, əlilliyi olan şəxslərin, peşə və orta ixtisas təhsili müəssisələri məzunlarının məşğulluğuna, ət istehsalına, ev təsərrüfatlarında istehsal edilən sənaye məhsullarına, sənaye müəssisələrində istehsal güclərindən istifadəyə, avtomobil nəqliyyatı ilə yük və sərnişin daşınmalarına, daxili turizmə, gəlmə və getmə turizminə, ev təsərrüfatları büdcələrinin tədqiqinə, ev təsərrüfatlarında informasiya və kommunikasiya texnologiyalarından istifadəyə dair, eləcə də ehtiyat və istifadə cədvəllərinin tərtib edilməsi üçün statistik məlumatların hazırlanması məqsədilə seçmə statistik müayinələrin keçirilməsi, cinayətkarlıq və hüquqpozmalar statistikası üzrə rəsmi statistik məlumatların istehsalı sisteminin təkmilləşdirilməsi, MHS—2025-in Azərbaycan Respublikasında tətbiqi ilə bağlı hazırlıq işlərinin görülməsi zəruridir;

6.1.1.2. Görüləcək tədbirlər:

6.1.1.2.1. əmək statistikasına dair göstəricilər sisteminin təkmilləşdirilməsi;

6.1.1.2.2. ev təsərrüfatları arasında işçi qüvvəsinə dair rüblük dövriliklə seçmə statistik müayinənin keçirilməsi;

6.1.1.2.3. əlilliyi olan şəxslərin məşğulluğuna dair birdəfəlik seçmə statistik müayinənin keçirilməsi;

6.1.1.2.4. əhalinin fasiləsiz təhsildə iştirakına dair birdəfəlik seçmə statistik müayinənin keçirilməsi;

6.1.1.2.5. peşə və orta ixtisas təhsili müəssisələri məzunlarının məşğulluğuna dair birdəfəlik seçmə statistik müayinənin keçirilməsi;

6.1.1.2.6. cinayətkarlıq və hüquqpozmalara dair rəsmi statistik məlumatların istehsalı sisteminin təkmilləşdirilməsi;

6.1.1.2.7. Azərbaycan Respublikasında demoqrafiya və əhali sakinliyinə dair statistik göstəricilər sisteminin təkmilləşdirilməsi;

6.1.1.2.8. MHS—2025-in Azərbaycan Respublikasında tətbiqi ilə bağlı hazırlıq işlərinin görülməsi;

6.1.1.2.9. 2026-cı il üzrə ehtiyat və istifadə cədvəllərinin tərtib edilməsi üçün birdəfəlik seçmə statistik müayinənin keçirilməsi;

6.1.1.2.10. mal-qaranın çəki artımına, ət çıxımına dair birdəfəlik seçmə statistik müayinənin keçirilməsi;

6.1.1.2.11. ev təsərrüfatlarında istehsal edilən sənaye məhsullarına dair birdəfəlik seçmə statistik müayinənin keçirilməsi;

6.1.1.2.12. sənaye müəssisələrində istehsal güclərindən istifadəyə dair seçmə statistik müayinənin keçirilməsi;

6.1.1.2.13. avtomobil nəqliyyatı ilə yük daşınmalarına dair birdəfəlik seçmə statistik müayinənin keçirilməsi;

6.1.1.2.14. avtomobil nəqliyyatı ilə sərnişin daşınmalarına dair birdəfəlik seçmə statistik müayinənin keçirilməsi;

6.1.1.2.15. daxili turizmə dair rüblük dövriliklə seçmə statistik müayinənin keçirilməsi;

6.1.1.2.16. gəlmə turizminə dair aylıq dövriliklə seçmə statistik müayinənin keçirilməsi;

6.1.1.2.17. getmə turizminə dair rüblük dövriliklə seçmə statistik müayinənin keçirilməsi;

6.1.1.2.18. ev təsərrüfatları büdcələrinin tədqiqinə dair rüblük dövriliklə seçmə statistik müayinənin keçirilməsi;

6.1.1.2.19. yaşıl inkişafa dair statistik göstəricilər sisteminin təkmilləşdirilməsi;

6.1.1.2.20. rəqəmsal iqtisadiyyata dair statistik göstəricilər sisteminin hazırlanması;

6.1.1.2.21. ev təsərrüfatlarında informasiya və kommunikasiya texnologiyalarından istifadəyə dair illik dövriliklə seçmə statistik müayinənin keçirilməsi;

6.1.1.2.22. mədəni və yaradıcı sənaye sahələri üzrə statistik göstəricilər sisteminin hazırlanması;

6.1.1.2.23. elm, texnologiya və innovasiyalar statistikasına dair göstəricilər sisteminin hazırlanması;

6.1.1.3. Gözlənilən nəticə və nəticə indikatorları:

6.1.1.3.1. əmək, demoqrafiya və əhali sakinliyi, yaşıl inkişaf üzrə statistik göstəricilər sistemləri təkmilləşdiriləcək, rəqəmsal iqtisadiyyat, mədəni və yaradıcı sənaye sahələri, elm, texnologiya və innovasiyalar üzrə statistik göstəricilər sistemləri hazırlanacaqdır;

6.1.1.3.2. işçi qüvvəsinə, əhalinin fasiləsiz təhsildə iştirakına, əlilliyi olan şəxslərin, peşə və orta ixtisas təhsili müəssisələri məzunlarının məşğulluğuna, ət istehsalına, ev təsərrüfatlarında istehsal edilən sənaye məhsullarına, sənaye müəssisələrində istehsal güclərindən istifadəyə, avtomobil nəqliyyatı ilə yük və sərnişin daşınmalarına, daxili turizmə, gəlmə və getmə turizminə, ev təsərrüfatları büdcələrinin tədqiqinə, ev təsərrüfatlarında informasiya və kommunikasiya texnologiyalarından istifadəyə dair, eləcə də ehtiyat və istifadə cədvəllərinin tərtib edilməsi üçün statistik məlumatların hazırlanması və yayılması təmin olunacaqdır;

6.1.1.3.3. cinayətkarlıq və hüquqpozmalara dair rəsmi statistika hesabatlarının sayı optimallaşdırılacaqdır;

6.1.1.3.4. MHS—2025-in Azərbaycan Respublikasında tətbiqi ilə bağlı fəaliyyət planı hazırlanacaq və 2030-cu ilədək nəzərdə tutulmuş tədbirlər icra olunacaqdır;

6.1.1.4. Gözlənilən risklər və onların neytrallaşdırılması tədbirləri:

6.1.1.4.1. tədbirlərin icrası zamanı beynəlxalq metodologiyalarda baş verə biləcək dəyişikliklər səbəbindən bəzi layihələrin hazırlanaraq razılaşdırılması prosesində müəyyən gecikmələr baş verə bilər. Bununla əlaqədar, zərurət olduqda, müvafiq işçi qrupların yaradılması təmin ediləcəkdir;

6.1.2. Rəsmi statistika istehsalının hüquqi və informasiya təminatı:

6.1.2.1. Əsaslandırma: respondentlərin üzərinə düşən məlumat yükünün azaldılması, rəsmi statistika məqsədləri üçün çəkilən xərclərə, sərf edilən vaxta qənaət edilməsi məqsədilə inzibati məlumatlardan, peyk müşahidəsi məhsullarından və Ünvan Reyestri İnformasiya Sistemindən istifadənin genişləndirilməsi, "Biznes demoqrafiyası"na dair informasiya ehtiyatının yaradılması zəruridir;

6.1.2.2. Görüləcək tədbirlər:

6.1.2.2.1. rəsmi statistika məlumatlarının istehsalı üçün tələb olunan və dövlət orqanlarının (qurumlarının), dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslərin, publik hüquqi şəxslərin sərəncamında olan məlumat bazalarından istifadə ilə bağlı qaydaların müəyyən edilməsi;

6.1.2.2.2. rəsmi statistik məlumatların hazırlanmasında peyk müşahidəsi məhsullarından istifadənin genişləndirilməsi;

6.1.2.2.3. Ünvan Reyestri İnformasiya Sistemindən rəsmi statistika məqsədləri üçün istifadənin təmin edilməsi;

6.1.2.2.4. "Biznes demoqrafiyası"na dair informasiya ehtiyatının yaradılması;

6.1.2.2.5. Avropa İttifaqının "Statistical classification of economic activities in the European Community (NACE Revision 2.1)" təsnifatı əsasında yeni milli "İqtisadi fəaliyyət növləri təsnifatı"nın hazırlanması və tətbiqi;

6.1.2.3. Gözlənilən nəticə və nəticə indikatorları:

6.1.2.3.1. rəsmi statistika məqsədləri üçün inzibati məlumatlardan istifadə genişlənəcək, respondentlərin üzərinə düşən məlumat yükü azaldılacaq, rəsmi statistika məqsədləri üçün çəkilən xərclərə, sərf edilən vaxta qənaət ediləcəkdir;

6.1.2.3.2. rəsmi statistika məqsədləri üçün peyk müşahidəsi məhsullarından istifadəni genişləndirməklə rəsmi statistika materiallarının istehsalı prosesinin operativliyi və səmərəliliyi artırılacaqdır;

6.1.2.3.3. rəsmi statistika məlumatlarının geoməkan (kartoqrafiya, kadastr, torpaq) məlumatları ilə əlaqələndirilməsi onların dezaqreqasiya səviyyəsini yüksəldəcəkdir;

6.1.2.3.4. biznes demoqrafiyası sahəsində dinamikanın izlənilməsi və istifadəçilərin təhlil imkanlarının genişləndirilməsi məqsədilə informasiya ehtiyatı yaradılacaqdır;

6.1.2.3.5. yeni milli "İqtisadi fəaliyyət növləri təsnifatı" əsasında məlumatların toplanılması, işlənilməsi və yayılmasının strukturlaşdırılması, reyestr və məlumat bazalarının aktuallaşdırılması təmin ediləcəkdir;

6.1.2.4. Gözlənilən risklər və onların neytrallaşdırılması tədbirləri:

6.1.2.4.1. peyk müşahidəsi məhsullarından statistik məqsədlər üçün istifadə rəsmi statistikanın nisbətən yeni istiqaməti olduğu üçün bu yolla əldə edilən məlumatlarla ənənəvi, o cümlədən inzibati məlumat mənbələrindəki məlumatlar arasında əhəmiyyətli fərqlər yarana bilər ki, bu da əlavə araşdırmalara ehtiyac baxımından bəzi tədbirlərin icrasında gecikmələrə səbəb ola bilər. Bununla əlaqədar, zərurət olduqda, müvafiq işçi qrupların yaradılması nəzərdə tutulur;

6.1.3. Beynəlxalq əməkdaşlıq:

6.1.3.1. Əsaslandırma: statistika sahəsində beynəlxalq əməkdaşlıq Azərbaycan Respublikasının milli statistika sisteminin inkişaf etdirilməsi və qabaqcıl təcrübəsinin yayılması sayəsində beynəlxalq nüfuzunun daha da artırılmasını təmin edəcəkdir;

6.1.3.2. Görüləcək tədbirlər:

6.1.3.2.1. statistika sahəsində beynəlxalq ekspert və işçi qruplarının fəaliyyətində DSK mütəxəssislərinin iştirakının təmin olunması;

6.1.3.2.2. beynəlxalq təşkilatlarla statistika sahəsində əməkdaşlığın davam etdirilməsi;

6.1.3.2.3. xarici dövlətlərlə statistika sahəsində ikitərəfli əlaqələrin inkişaf etdirilməsi;

6.1.3.3. Gözlənilən nəticə və nəticə indikatorları:

6.1.3.3.1. statistika sahəsində beynəlxalq ekspert və işçi qruplarının fəaliyyətində DSK mütəxəssislərinin iştirakı təmin olunmaqla statistika sahəsində beynəlxalq metodoloji sənədlərin hazırlanmasına və təkmilləşdirilməsinə töhfə veriləcək, Azərbaycan Respublikasının milli statistika sisteminin beynəlxalq nüfuzu daha da artacaqdır;

6.1.3.3.2. beynəlxalq təşkilatlar tərəfindən təşkil olunan tədbirlərdə (konfrans, seminar və s.) DSK əməkdaşlarının iştirakı təmin olunacaq və qazanılmış bilik və təcrübə əsasında milli statistika sistemi inkişaf etdiriləcəkdir;

6.1.3.3.3. ikitərəfli əlaqələr, o cümlədən qarşılıqlı səfərlər vasitəsilə qabaqcıl statistika qurumları ilə təcrübə mübadiləsi və təlimlər təşkil ediləcək, qazanılmış bilik və təcrübə əsasında innovativ yanaşmaların ölkədə tətbiqinə nail olunacaqdır;

6.1.3.4. Gözlənilən risklər və onların neytrallaşdırılması tədbirləri:

6.1.3.4.1. müxtəlif səbəblərdən qarşılıqlı səfərlərin baş tutmaması müşahidə oluna bilər ki, bu zaman müasir informasiya texnologiyalarından istifadə etməklə, mümkün olduğu təqdirdə, onlayn təmasların, videokonfransların təşkili təmin ediləcəkdir;

6.1.4. Maddi-texniki bazanın və kadr potensialının gücləndirilməsi:

6.1.4.1. Əsaslandırma: milli statistika sisteminin inkişafının təmin edilməsi üçün DSK-nın artan tələblərə uyğun maddi-texniki bazasının və kadr potensialının gücləndirilməsi zəruridir;

6.1.4.2. Görüləcək tədbirlər:

6.1.4.2.1. "Rəsmi statistika hesabatlarının elektron təqdimatı" informasiya sisteminin yenilənməsi;

6.1.4.2.2. statistik sorğuların aparılmasına cəlb olunan sayıcıların fəaliyyətinə dair elektron nəzarət sisteminin yaradılması;

6.1.4.2.3. DSK-da rəsmi statistika materiallarının istehsalı üçün istifadə olunan proqram təminatının, məlumat bazalarının və digər informasiya sistemlərinin təşkili və fəaliyyəti üzrə qiymətləndirilmənin və kənar auditin aparılması;

6.1.4.2.4. DSK-nın İKT infrastrukturunun yenilənməsi;

6.1.4.2.5. rəsmi statistikada data elminin və süni intellektin tətbiqi imkanlarının genişləndirilməsi məqsədilə DSK əməkdaşlarının müvafiq təlimlərə cəlb olunması, onların bilik və bacarıqlarının artırılması;

6.1.4.2.6. yuxarı sinif şagirdləri və ali məktəb tələbələri arasında statistika üzrə olimpiada keçirilməsi;

6.1.4.3. Gözlənilən nəticə və nəticə indikatorları:

6.1.4.3.1. statistika hesabatlarının təqdim edilməsi prosesini statistik vahidlər üçün daha da asanlaşdırmaqla hesabatların tərtibinə sərf edilən vaxt azaldılacaqdır;

6.1.4.3.2. statistik sorğuların aparılmasına cəlb olunan sayıcıların fəaliyyəti üzərində elektron müşahidə təmin edilməklə nəzarət prosedurlarının səmərəliliyi artacaqdır;

6.1.4.3.3. informasiya texnologiyaları infrastrukturunun optimallaşdırılması nəticəsində elektron informasiya sistemlərinin məhsuldarlığı artacaqdır;

6.1.4.3.4. məlumatların toplanılması, işlənilməsi və yayılması sahəsində texniki imkanlar müasirləşəcəkdir;

6.1.4.3.5. yüksəkixtisaslı, müasir çağırışlara cavab verən kadrlar vasitəsilə rəsmi statistikada data elminin və süni intellektin tətbiqi imkanları genişlənəcəkdir;

6.1.4.3.6. yuxarı sinif şagirdlərinin və ali məktəb tələbələrinin statistik savadlılığı və data analitikası ilə bağlı peşələrə marağı artacaqdır;

6.1.4.4. Gözlənilən risklər və onların neytrallaşdırılması tədbirləri:

6.1.4.4.1. kənar audit və müvafiq qiymətləndirmələr zamanı əvvəlcədən proqnozlaşdırıla bilməyən tələb və tövsiyələrin meydana çıxması mümkündür ki, onlardan irəli gələn tədbirlərin həyata keçirilməsi üçün əlavə vaxta və resurslara ehtiyac yarana bilər. Belə olan halda aidiyyəti dövlət orqanlarına (qurumlarına) müraciət olunacaqdır;

6.1.5. Milli statistika sisteminin strateji inkişaf prioritetlərinin müəyyənləşdirilməsi:

6.1.5.1. Əsaslandırma: milli statistika sisteminin müasir tələblərə cavab verməsinin təmin edilməsi üçün strateji inkişaf prioritetlərinin müəyyənləşdirilməsi vacibdir;

6.1.5.2. Görüləcək tədbirlər:

6.1.5.2.1. milli statistika sisteminin qlobal qiymətləndirilməsinin (xarici auditinin) həyata keçirilməsi;

6.1.5.2.2. rəsmi statistika məlumatlarının istifadəçiləri arasında məmnunluq sorğusunun keçirilməsi;

6.1.5.2.3. 2031—2035-ci illərdə rəsmi statistikanın inkişafına dair dövlət proqramının layihəsinin hazırlanması;

6.1.5.3. Gözlənilən nəticə və nəticə indikatorları:

6.1.5.3.1. milli statistika sisteminin qlobal qiymətləndirilməsi (xarici auditi) nəticəsində verilmiş tövsiyələr əsasında statistika sistemi son beynəlxalq standartlara uyğun müasirləşəcəkdir;

6.1.5.3.2. rəsmi statistika məlumatlarının istifadəçiləri arasında keçirilmiş sorğuların nəticələri əsasında statistika orqanları tərəfindən göstərilən statistik xidmətlərin keyfiyyəti yüksələcəkdir;

6.1.5.3.3. növbəti dövr üçün rəsmi statistikanın inkişafına dair prioritetləri müəyyən etməklə sosial-iqtisadi inkişaf sahəsində dövlət siyasətinə uyğun informasiya təminatının təkmilləşdirilməsi məqsədilə 2031—2035-ci illərdə milli statistika sisteminin üzərinə düşəcək vəzifələr müəyyənləşəcəkdir;

6.1.5.4. Gözlənilən risklər və onların neytrallaşdırılması tədbirləri:

6.1.5.4.1. milli statistika sisteminin qlobal qiymətləndirilməsi nəticəsində verilmiş tövsiyələrlə bağlı müxtəlif dövlət orqanları (qurumları) arasında fikir ayrılıqları ola bilər ki, bununla əlaqədar müvafiq işçi qrupların yaradılması nəzərdə tutulur.

7. Dövlət Proqramının maliyyələşdirilməsi Dövlət Proqramında qeyd edilən tədbirlərin icrasının təmini üçün tələb olunan xərclər müvafiq illər üzrə Azərbaycan Respublikasının dövlət büdcəsində aidiyyəti icraçı dövlət orqanları (qurumları) üçün nəzərdə tutulmuş vəsait, büdcədənkənar vəsait, kredit və qrantlar, hüquqi və fiziki şəxslərin ianələri, eləcə də qanunla qadağan olunmayan digər mənbələr hesabına maliyyələşdirilir.

8. Dövlət Proqramının həyata keçirilməsi üzrə TƏDBİRLƏRPLANI

Sıra №-si Tədbirin adı Əsas icraçı orqan (qurum), fəaliyyət istiqamətlərinə uyğun olaraq Digər icraçılar İcra müddəti Nəticə indikatorları ilkin nəticələr aralıq nəticələr yekun nəticələr

8.1. Statistik müşahidələr və onlara dair metodologiyalar 8.1.1. Sosial statistika 8.1.1.1. Əmək statistikasına dair göstəricilər sisteminin təkmilləşdirilməsi DSK ƏƏSMN, İN, MN 2026—

Əmək statistikası ilə bağlı daxil olan sorğuların təhlili, bu sahədə beynəlxalq metodoloji tövsiyələrin, qabaqcıl təcrübələrin öyrənilməsi və göstəricilər sisteminin yeni versiyasının hazırlanması Təkmilləşdirilmiş statistik göstəricilər sisteminin tətbiqi Əmək statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi

8.1.1.2. Ev təsərrüfatları arasında işçi qüvvəsinə dair rüblük dövriliklə seçmə statistik müayinənin keçirilməsi DSK 2026—

Seçmə şəbəkəsinin formalaşdırılması Seçmə statistik müayinənin keçirilməsi İşçi qüvvəsinə, qeyriformal məşğul əhaliyə dair beynəlxalq müqayisəliliyi təmin edən, əmək bazarının vəziyyətini qiymətləndirməyə imkan verən statistik məlumatların hazırlanması və yayılması 8.1.1.3. Əlilliyi olan şəxslərin məşğulluğuna dair birdəfəlik seçmə statistik müayinənin keçirilməsi DSK ƏƏSMN 2027—

Əlilliyi olan şəxslərin məşğulluğuna dair seçmə statistik müayinə formasının və metodoloji göstərişlərin təkmilləşdirilməsi, seçmə şəbəkəsinin formalaşdırılması Seçmə statistik müayinənin keçirilməsi Əlilliyi olan şəxslərin məşğulluğuna dair statistik məlumatların hazırlanması və yayılması 8.1.1.4. Əhalinin fasiləsiz təhsildə iştirakına dair birdəfəlik seçmə statistik müayinənin keçirilməsi DSK ETN, ƏƏSMN 2026—

Əhalinin fasiləsiz təhsildə iştirakına dair statistik müayinə formasının və metodoloji göstərişlərin təkmilləşdirilməsi, seçmə şəbəkəsinin formalaşdırılması Seçmə statistik müayinənin keçirilməsi Əhalinin fasiləsiz təhsildə iştirakına dair statistik məlumatların hazırlanması və yayılması

8.1.1.5. Peşə və orta ixtisas təhsili müəssisələri məzunlarının məşğulluğuna dair birdəfəlik seçmə statistik müayinənin keçirilməsi DSK ETN, ƏƏSMN 2029—

Peşə və orta ixtisas təhsili müəssisələri məzunlarının məşğulluğuna dair statistik müayinə formasının və metodoloji göstərişlərin təkmilləşdirilməsi, seçmə şəbəkəsinin formalaşdırılması Seçmə statistik müayinənin keçirilməsi Peşə və orta ixtisas təhsili müəssisələri məzunlarının məşğulluğuna dair statistik məlumatların hazırlanması və yayılması 8.1.1.6. Cinayətkarlıq və hüquqpozmalara dair rəsmi statistik məlumatların istehsalı sisteminin təkmilləşdirilməsi DİN ƏN, DSK, MN 2026—

Cinayətkarlıq və hüquqpozmalar üzrə rəsmi statistikanın təkmilləşdirilməsi ilə bağlı təkliflər hazırlanması Cinayətkarlıq və hüquqpozmalar statistikası üzrə inzibati məlumatlardan istifadənin səmərəliliyinin artırılması Cinayətkarlıq və hüquqpozmalar statistikası üzrə rəsmi statistika hesabatlarının sayının optimallaşdırılması və statistik yükün azaldılması

8.1.1.7. Azərbaycan Respublikasında demoqrafiya və əhali sakinliyinə dair statistik göstəricilər sisteminin təkmilləşdirilməsi DSK ƏƏSMN, SN, ƏN, DİN, DMX 2027—

Demoqrafiya və əhali sakinliyi ilə bağlı daxil olan sorğuların təhlil edilməsi, bu sahədə beynəlxalq metodoloji tövsiyələrin, qabaqcıl təcrübələrin öyrənilməsi və göstəricilər sisteminin yeni versiyasının hazırlanması Təkmilləşdirilmiş statistik göstəricilər sisteminin tətbiqi Demoqrafiya və əhali sakinliyi statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi 8.1.2. İqtisadi statistika 8.1.2.1. MHS—2025-in Azərbaycan Respublikasında tətbiqi ilə bağlı hazırlıq işlərinin görülməsi DSK İN, MN 2026—

MHS—2025-in Azərbaycan Respublikasında tətbiqi ilə bağlı prioritetlərin müəyyən edilməsi Beynəlxalq təcrübə öyrənilməklə MHS—2025-in Azərbaycan Respublikasında tətbiqi ilə bağlı fəaliyyət planının hazırlanması MHS—2025-in Azərbaycan Respublikasında tətbiqi ilə bağlı fəaliyyət planında 2030-cu ilədək nəzərdə tutulmuş hazırlıq tədbirlərinin icrası

8.1.2.2. 2026 -cı il üzrəehtiyat vəistifadəc ədv əll ərinin tərtib edilməsi üçün birdəf əlik seçməstatistik müayin ənin keçirilm əsi DSK İN 2026 —

- cı il üzrəehtiyat vəistifadəc ədv əll ərinin tərtib edilməsi üçün m əhsul istehsalına çəkilən xərclərin tərkibinin öyr ənilm əsinədair seçməstatistik müayinəformalarının vəonların doldurulmasına dair metodoloji göst ərişl ərin hazırlanması, seçm əş ə bək əsinin formalaşdırılması Seçməstatistik müayin ənin keçirilm əsi

- cı il üzrəehtiyat vəistifadəc ədv əll ərinin tərtib edilməsi, ölkəiqtisadiyyatının strukturunun vəsah ələrarası əlaq ələrin t əhlilinəimkan ver ən statistik m əlumatların hazırlanması vəyayılması 8.1.2.3. Mal -qaranın çəki artımına, ət çıxımına dair birdəfəlik seçmə statistik müayinənin keçirilməsi KTN DSK 2026 —

Mal -qaranın çəki artımına, ət çıxımına dair seçməstatistik müayinəformasının vəmetodoloji göst ərişl ərin hazırlanması, seçm əş ə bək əsinin formalaşdırılması Seçməstatistik müayin ənin keçirilm əsi Kökəltmə üsulları üzrə iribuynuzlu mal - qaranın sayı, kəsilmiş çəkidə ət istehsalı barədə statistik məlumatların hazırlanması vəyayılması

8.1.2.4. Ev təsərrüfatlarında istehsal edilən sənaye məhsullarına dair birdəfəlik seçmə statistik müayinənin keçirilməsi DSK İN, KTN, AQTA 2026—

Ev təsərrüfatlarında istehsal edilən sənaye məhsullarına dair statistik müayinə formasının və metodoloji göstərişlərin hazırlanması, seçmə şəbəkəsinin formalaşdırılması Seçmə statistik müayinənin keçirilməsi Ev təsərrüfatlarında istehsal edilən sənaye məhsullarına dair statistik məlumatların hazırlanması və yayılması 8.1.2.5. Sənaye müəssisələrində istehsal güclərindən istifadəyə dair seçmə statistik müayinənin keçirilməsi DSK İN 2027,

Sənaye müəssisələrində istehsal güclərindən istifadəyə dair statistik müayinə formasının və metodoloji göstərişlərin hazırlanması, seçmə şəbəkəsinin formalaşdırılması Seçmə statistik müayinənin keçirilməsi Sənaye müəssisələrində maşın və avadanlığın yaş strukturu, onların istehsal güclərindən istifadə barədə statistik məlumatların hazırlanması və yayılması 8.1.2.6. Avtomobil nəqliyyatı ilə yük daşınmalarına dair birdəfəlik seçmə statistik müayinənin keçirilməsi DSK RİNN, DİN 2028—

Avtomobil nəqliyyatı ilə yük daşınmalarına dair statistik müayinə formasının və metodoloji göstərişlərin hazırlanması, seçmə şəbəkəsinin formalaşdırılması Seçmə statistik müayinənin keçirilməsi Avtomobil nəqliyyatı ilə yük daşınmalarına dair statistik məlumatların hazırlanması və yayılması

8.1.2.7. Avtomobil nəqliyyatı ilə sərnişin daşınmalarına dair birdəfəlik seçmə statistik müayinənin keçirilməsi DSK RİNN, DİN 2029—

Avtomobil nəqliyyatı ilə sərnişin daşınmalarına dair statistik müayinə formasının və metodoloji göstərişlərin təkmilləşdirilməsi, seçmə şəbəkəsinin formalaşdırılması Seçmə statistik müayinənin keçirilməsi Avtomobil nəqliyyatı ilə sərnişin daşınmalarına dair statistik məlumatların hazırlanması və yayılması 8.1.2.8. Daxili turizmə dair rüblük dövriliklə seçmə statistik müayinənin keçirilməsi DSK DTA 2026—

Seçmə şəbəkəsinin formalaşdırılması Seçmə statistik müayinənin keçirilməsi Daxili turizmə dair statistik məlumatların hazırlanması və yayılması, turizmin köməkçi hesablarının tərtib edilməsi üçün statistik məlumat bazasının formalaşdırılması 8.1.2.9. Gəlmə turizminə dair aylıq dövriliklə seçmə statistik müayinənin keçirilməsi DSK DTA, DMX, DSX, AZCON 2026—

Müayinəyə cəlb ediləcək respondentlərin zəruri sayının müəyyən edilməsi Seçmə statistik müayinənin keçirilməsi Gəlmə turizminə dair statistik məlumatların hazırlanması və yayılması, turizmin köməkçi hesablarının tərtib edilməsi üçün statistik məlumat bazasının formalaşdırılması

8.1.2.10. Getmə turizminə dair rüblük dövriliklə seçmə statistik müayinənin keçirilməsi DSK DTA, DSX, AZCON 2026—

Müayinəyə cəlb olunacaq respondentlərin zəruri sayının müəyyən edilməsi Seçmə statistik müayinənin keçirilməsi Getmə turizminə dair statistik məlumatların hazırlanması və yayılması, turizmin köməkçi hesablarının tərtib edilməsi üçün statistik məlumat bazasının formalaşdırılması 8.1.3. Çoxsahəli statistika 8.1.3.1. Ev təsərrüfatları büdcələrinin tədqiqinə dair rüblük dövriliklə seçmə statistik müayinənin keçirilməsi DSK 2026—

Seçmə şəbəkəsinin formalaşdırılması Seçmə statistik müayinənin keçirilməsi Əhalinin həyat səviyyəsini səciyyələndirən statistik məlumatların hazırlanması və yayılması 8.1.3.2. Yaşıl inkişafa dair statistik göstəricilər sisteminin təkmilləşdirilməsi DSK ETSN, İN, EN, XİN, SN, FHN, ADSEA, ƏMA 2026—

Yaşıl inkişafla bağlı daxil olan sorğuların təhlil edilməsi, bu sahədə beynəlxalq metodoloji tövsiyələrin, qabaqcıl təcrübələrin öyrənilməsi, milli prioritetlər nəzərə alınmaqla statistik göstəricilər sisteminin yeni versiyasının hazırlanması Təkmilləşdirilmiş statistik göstəricilər sisteminin tətbiqi Yaşıl inkişaf statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi

8.1.3.3. Rəqəmsal iqtisadiyyata dair statistik göstəricilər sisteminin hazırlanması DSK İN, RİNN 2027—

Rəqəmsal iqtisadiyyat, o cümlədən elektron ticarət ilə bağlı daxil olan sorğuların təhlil edilməsi, bu sahədə beynəlxalq metodoloji tövsiyələrin, qabaqcıl təcrübələrin öyrənilməsi və statistik göstəricilər sisteminin hazırlanması Statistik göstəricilər sisteminin tətbiqi Rəqəmsal iqtisadiyyat statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi 8.1.3.4. Ev təsərrüfatlarında informasiya və kommunikasiya texnologiyalarından istifadəyə dair illik dövriliklə seçmə statistik müayinənin keçirilməsi DSK RİNN 2026—

Seçmə şəbəkəsinin formalaşdırılması Seçmə statistik müayinənin keçirilməsi Ev təsərrüfatlarının informasiya və kommunikasiya texnologiyalarına əlçatanlığına və onlardan istifadəyə dair statistik məlumatların hazırlanması və yayılması

8.1.3.5. Mədəni və yaradıcı sənaye sahələri üzrə statistik göstəricilər sisteminin hazırlanması DSK MdN, İN, ƏƏSMN, DGK, ƏMA 2026—

Mədəni və yaradıcı sənaye sahələrinə dair daxil olan sorğuların təhlil edilməsi, bu sahədə beynəlxalq metodoloji tövsiyələrin, qabaqcıl təcrübələrin öyrənilməsi və göstəricilər sisteminin hazırlanması Statistik göstəricilər sisteminin tətbiqi Mədəni və yaradıcı sənaye sahələri statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi 8.1.3.6. Elm, texnologiya və innovasiyalar statistikasına dair göstəricilər sisteminin hazırlanması DSK ETN, RİNN, İN, ƏƏSMN, ƏMA, AMEA 2027—

Elm, texnologiya və innovasiyalar statistikasına dair daxil olan sorğuların təhlil edilməsi, bu sahədə beynəlxalq metodoloji tövsiyələrin, qabaqcıl təcrübələrin öyrənilməsi və göstəricilər sisteminin hazırlanması Statistik göstəricilər sisteminin tətbiqi Elm, texnologiya və innovasiyalar statistikasının son beynəlxalq metodoloji tövsiyələrə uyğunlaşdırılmaqla inkişaf etdirilməsi

8.2. Rəsmi statistika materialları istehsalının hüquqi və informasiya təminatı 8.2.1. Rəsmi statistika məlumatlarının istehsalı üçün tələb olunan və dövlət orqanlarının (qurumlarının), dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslərin, publik hüquqi şəxslərin sərəncamında olan məlumat bazalarından istifadə ilə bağlı qaydaların müəyyən edilməsi NK DSK, RİNN, XRİTDX, ƏN 2026—

Dövlət orqanlarının, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslərin, publik hüquqi şəxslərin inzibati məlumatlarından statistika məqsədləri üçün istifadə imkanlarının təhlili Məlumat bazalarından istifadə ilə bağlı qaydaların hazırlanaraq təsdiq edilməsi Rəsmi statistika məqsədləri üçün inzibati məlumatlardan istifadənin genişləndirilməsi, respondentlərin üzərinə düşən məlumat yükünün azaldılması, rəsmi statistika məqsədləri üçün çəkilən xərclərə, sərf edilən vaxta qənaət edilməsi 8.2.2. Rəsmi statistika məlumatlarının hazırlanmasında peyk müşahidəsi məhsullarından istifadənin genişləndirilməsi DSK AZCON, Azərkosmos 2027—

Peyk müşahidəsi məhsullarından rəsmi statistika məqsədləri üçün istifadə imkanlarının araşdırılması və bu sahədə müvafiq statistik göstəricilərin müəyyən edilməsi Müəyyən edilmiş göstəricilər üzrə peyk müşahidəsi məhsullarının statistik məlumat bazasına inteqrasiyası Rəsmi statistika məqsədləri üçün peyk müşahidəsi məhsullarından istifadəni genişləndirməklə rəsmi statistika materiallarının istehsalı prosesinin operativliyinin və səmərəliliyinin artırılması

8.2.3. Ünvan Reyestri İnformasiya Sistemindən rəsmi statistika məqsədləri üçün istifadənin təmin edilməsi İN DSK, RİNN, XRİTDX 2027—

Ünvan Reyestri İnformasiya Sisteminin DSK-nın statistik məlumat bazasına inteqrasiya olunması məqsədilə texniki şərtlərin və proqram təminatının hazırlanması Ünvan Reyestri İnformasiya Sisteminin statistik məlumat bazasına "Elektron hökumət" şlüzü vasitəsilə inteqrasiya olunması Rəsmi statistika məlumatlarını geoməkan (kartoqrafiya, kadastr, torpaq) məlumatları ilə əlaqələndirməklə onların dezaqreqasiya səviyyəsinin yüksəldilməsi 8.2.4. "Biznes demoqrafiyası"na dair informasiya ehtiyatının yaradılması DSK İN 2027—

"Biznes demoqrafiyası"na dair yaradılacaq informasiya ehtiyatının texniki şərtlərinin və proqram təminatının hazırlanması "Biznes demoqrafiyası"na dair informasiya ehtiyatının istifadəyə verilməsi "Biznes demoqrafiya"sı sahəsində dinamikanın izlənilməsi və istifadəçilərin təhlil imkanlarının genişləndirilməsi 8.2.5. Avropa İttifaqının "Statistical classification of economic activities in the European Community (NACE Revision 2.1)" təsnifatı əsasında yeni milli "İqtisadi fəaliyyət növləri təsnifatı"nın hazırlanması və tətbiqi DSK İN, RİNN, ƏƏSMN, ETSN, SN, EN, ETN, MN, KTN, DŞAK, DGK, DTA, AİBNDA, SOCAR 2026—

Yeni milli "İqtisadi fəaliyyət növləri təsnifatı"nın hazırlanması Yeni milli "İqtisadi fəaliyyət növləri təsnifatı"nın tətbiqi Yeni milli "İqtisadi fəaliyyət növləri təsnifatı" əsasında məlumatların toplanılması, işlənilməsi və yayılmasının strukturlaşdırılması, reyestr və məlumat bazalarının aktuallaşdırılması

8.3. Beynəlxalq əməkdaşlıq 8.3.1. Statistika sahəsində beynəlxalq ekspert və işçi qruplarının fəaliyyətində DSK mütəxəssislərinin iştirakının təmin olunması DSK 2026—

Azərbaycan Respublikasının statistika sahəsində qabaqcıl təcrübəsinin yayılması Statistika sahəsində beynəlxalq metodoloji sənədlərin hazırlanmasına və təkmilləşdirilməsinə töhfə verilməsi Azərbaycan Respublikasının milli statistika sisteminin beynəlxalq nüfuzunun daha da artırılması 8.3.2. Beynəlxalq təşkilatlarla statistika sahəsində əməkdaşlığın davam etdirilməsi DSK XİN 2026—

Beynəlxalq təşkilatlar tərəfindən təşkil olunan tədbirlərdə (konfrans, seminar və s.) DSK əməkdaşlarının iştirakının təmin olunması Beynəlxalq təşkilatlar tərəfindən təşkil edilən tədbirlərdə qəbul olunan sənədlərin öyrənilməsi və onların ölkədə tətbiqi imkanlarının araşdırılması Azərbaycan Respublikasının milli statistika sisteminin inkişaf etdirilməsi 8.3.3. Xarici dövlətlərlə statistika sahəsində ikitərəfli əlaqələrin inkişaf etdirilməsi DSK XİN 2026—

Xarici dövlətlərlə ikitərəfli əlaqələr qurulması, o cümlədən qarşılıqlı səfərlər vasitəsilə qabaqcıl statistika qurumları ilə təcrübə mübadiləsinin və təlimlərin təşkili Azərbaycan Respublikasının statistika sahəsində qabaqcıl təcrübəsinin mübadiləsi, əldə edilmiş yeni biliklər və qazanılmış təcrübə əsasında innovativ yanaşmaların ölkədə tətbiqi Azərbaycan Respublikasının milli statistika sisteminin inkişaf etdirilməsi və beynəlxalq nüfuzunun daha da yüksəldilməsi

8.4. Maddi-texniki bazanın və kadr potensialının gücləndirilməsi 8.4.1. "Rəsmi statistika hesabatlarının elektron təqdimatı" informasiya sisteminin yenilənməsi DSK RİNN, XRİTDX 2026—

"Rəsmi statistika hesabatlarının elektron təqdimatı" informasiya sisteminin yenilənməsi məqsədilə texniki şərtlərin hazırlanması Proqram təminatını yeniləməklə sistemin funksionallığının artırılması Statistika hesabatlarının təqdim edilməsi prosesini statistik vahidlər üçün daha da asanlaşdırmaqla hesabatların tərtibinə sərf edilən vaxtın azaldılması 8.4.2. Statistik sorğular aparılmasına cəlb olunan sayıcıların fəaliyyətinə dair elektron nəzarət sisteminin yaradılması DSK RİNN, XRİTDX 2027—

Statistik sorğular aparılmasına cəlb olunan sayıcıların fəaliyyəti üzərində elektron müşahidə sisteminin texniki şərtlərinin hazırlanması Statistik sorğular aparılmasına cəlb olunan sayıcıların fəaliyyəti üzərində elektron müşahidəni təmin etmək üçün zəruri texniki imkanların yaradılması Nəzarət prosedurlarının səmərəliliyinin artırılması 8.4.3. DSK-da rəsmi statistika materiallarının istehsalı üçün istifadə olunan proqram təminatının, məlumat bazalarının və digər informasiya sistemlərinin təşkili və fəaliyyəti üzrə qiymətləndirilmənin və kənar auditin aparılması DSK RİNN, XRİTDX 2026—

Elektron informasiya sistemlərinin səmərəliliyinin, təhlükəsizliyinin, etibarlılığının və normativ hüquqi aktların tələblərinə uyğunluğunun qiymətləndirilməsi, mümkün zəifliklərin aşkar edilməsi Elektron informasiya sistemlərində aşkar olunmuş zəifliklərin aradan qaldırılması, risklərin minimallaşdırılması və məlumatların idarəedilməsi keyfiyyətinin yüksəldilməsi İnformasiya texnologiyaları infrastrukturunun optimallaşdırılması ilə elektron informasiya sistemlərinin məhsuldarlığının artırılması

8.4.4. DSK-nın İKT infrastrukturunun yenilənməsi DSK 2026—

İKT avadanlığına, qeyri-maddi aktivlərə olan ehtiyacın müəyyən olunması Yeni İKT avadanlığının, qeyri-maddi aktivlərin alınması və istismara verilməsi Məlumatların toplanılması, işlənilməsi və yayılması üçün texniki imkanların müasirləşdirilməsi 8.4.5. Rəsmi statistikada data elminin və süni intellektin tətbiqi imkanlarının genişləndirilməsi məqsədilə DSK əməkdaşlarının müvafiq təlimlərə cəlb olunması, onların bilik və bacarıqlarının artırılması DSK RİNN 2026—

Statistikada data elminin və süni intellektin tətbiqinə dair təlimlərdə DSK əməkdaşlarının iştirakının təmin olunması Data elmi və süni intellektlə bağlı statistika sahəsində kadrların potensialının artırılması Yüksəkixtisaslı, müasir çağırışlara cavab verən kadrlar vasitəsilə rəsmi statistikada data elminin və süni intellektin tətbiqi imkanlarının genişləndirilməsi 8.4.6. Yuxarı sinif şagirdləri və ali məktəb tələbələri arasında statistika üzrə olimpiada keçirilməsi DSK ETN 2030 Yuxarı sinif şagirdləri və ali məktəb tələbələri arasında statistika üzrə olimpiadanın əsasnaməsinin hazırlanması Statistika üzrə olimpiadanın keçirilməsi Yuxarı sinif şagirdlərinin və ali məktəb tələbələrinin statistik savadlılığının və data analitikası ilə bağlı peşələrə marağının artırılması

8.5. Milli statistika sisteminin strateji inkişaf prioritetlərinin müəyyənləşdirilməsi 8.5.1. Milli statistika sisteminin qlobal qiymətləndirilməsinin (xarici auditinin) həyata keçirilməsi DSK DGK, XİN 2026—

Milli statistika sisteminin qlobal qiymətləndirilməsinin (xarici auditinin) həyata keçirilməsi ilə əlaqədar təşkilati tədbirlər görülməsi Qlobal qiymətləndirmənin (xarici auditin) nəticələrinə dair yekun hesabatın dərc edilməsi Tövsiyələr əsasında statistika sisteminin son beynəlxalq standartlara uyğun modernləşdirilməsi istiqamətində növbəti addımların müəyyənləşdirilməsi 8.5.2. Rəsmi statistika məlumatlarının istifadəçiləri arasında məmnunluq sorğusunun keçirilməsi DSK 2026—

Rəsmi statistika məlumatlarının istifadəçiləri arasında məmnunluq sorğusuna dair sorğu anketinin hazırlanması, sorğuların keçirilməsi Rəsmi statistika məlumatlarının istifadəçiləri arasında keçirilmiş sorğuların nəticələrinin təhlili əsasında müvafiq təkliflər hazırlanması Sorğuların nəticələri əsasında statistika orqanları tərəfindən göstərilən statistik xidmətlərin keyfiyyətinin yüksəldilməsi, istifadəçilərlə kommunikasiyanın yaxşılaşdırılması ilə bağlı növbəti addımların müəyyənləşdirilməsi

8.5.3. 2031—2035-ci illərdə rəsmi statistikanın inkişafına dair dövlət proqramının layihəsinin hazırlanması DSK 2029—

Milli statistika sisteminin qlobal qiymətləndirilməsinin nəticələri və rəsmi statistika məlumatlarından istifadə üzrə məmnunluq sorğusunun nəticələri də nəzərə alınmaqla, dövlət proqramının ilkin layihəsinin hazırlanması Dövlət proqramı layihəsinin aidiyyəti dövlət orqanları (qurumları) ilə razılaşdırılması və təsdiq üçün aidiyyəti üzrə təqdim edilməsi Sosial-iqtisadi inkişaf sahəsində dövlət siyasətinə uyğun informasiya təminatının təkmilləşdirilməsi məqsədilə milli statistika sisteminin üzərinə düşən vəzifələrin müəyyənləşdirilməsi Qeyd. Azərbaycan Respublikasının Baş Prokurorluğuna tövsiyə edilsin ki, Tədbirlər Planının 8.1.1.6-cı abzasında, Azərbaycan Respublikasının Mərkəzi Bankına tövsiyə edilsin ki, Tədbirlər Planının 8.1.2.1-ci, 8.1.2.2-ci, 8.1.3.3-cü, 8.1.3.5-ci abzaslarında, 8.2.5-ci və 8.5.1-ci yarımbəndlərində, Azərbaycan Həmkarlar İttifaqları Konfederasiyasına tövsiyə edilsin ki, Tədbirlər Planının 8.1.1.1-ci abzasında, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasına tövsiyə edilsin ki, Tədbirlər Planının 8.1.1.1-ci abzasında nəzərdə tutulmuş tədbirlərin həyata keçirilməsində iştirak etsinlər.

9. AKRONİMLƏR VƏ İXTİSARLAR NK — Azərbaycan Respublikasının Nazirlər Kabineti DİN — Azərbaycan Respublikasının Daxili İşlər Nazirliyi ETSN — Azərbaycan Respublikasının Ekologiya və Təbii Sərvətlər Nazirliyi ETN — Azərbaycan Respublikasının Elm və Təhsil Nazirliyi EN — Azərbaycan Respublikasının Energetika Nazirliyi ƏN — Azərbaycan Respublikasının Ədliyyə Nazirliyi ƏƏSMN — Azərbaycan Respublikasının Əmək və Əhalinin Sosial Müdafiəsi Nazirliyi FHN — Azərbaycan Respublikasının Fövqəladə Hallar Nazirliyi XİN — Azərbaycan Respublikasının Xarici İşlər Nazirliyi İN — Azərbaycan Respublikasının İqtisadiyyat Nazirliyi KTN — Azərbaycan Respublikasının Kənd Təsərrüfatı Nazirliyi MN — Azərbaycan Respublikasının Maliyyə Nazirliyi MdN — Azərbaycan Respublikasının Mədəniyyət Nazirliyi RİNN — Azərbaycan Respublikasının Rəqəmsal İnkişaf və Nəqliyyat Nazirliyi SN — Azərbaycan Respublikasının Səhiyyə Nazirliyi DGK — Azərbaycan Respublikasının Dövlət Gömrük Komitəsi DSK — Azərbaycan Respublikasının Dövlət Statistika Komitəsi DŞAK — Azərbaycan Respublikasının Dövlət Şəhərsalma və Arxitektura Komitəsi DMX — Azərbaycan Respublikasının Dövlət Miqrasiya Xidməti DSX — Azərbaycan Respublikasının Dövlət Sərhəd Xidməti XRİTDX — Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti AİBNDA — Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi ADSEA — Azərbaycan Dövlət Su Ehtiyatları Agentliyi DTA — Azərbaycan Respublikasının Dövlət Turizm Agentliyi ƏMA — Azərbaycan Respublikasının Əqli Mülkiyyət Agentliyi AQTA — Azərbaycan Respublikasının Qida Təhlükəsizliyi Agentliyi AMEA — Azərbaycan Milli Elmlər Akademiyası AZCON — Azərbaycan Nəqliyyat və Kommunikasiya Holdinqi (AZCON) Azərkosmos — Azərbaycan Respublikasının Kosmik Agentliyi (Azərkosmos) SOCAR — Azərbaycan Respublikasının Dövlət Neft Şirkəti