AZƏRBAYCAN RESPUBLİKASI ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN KOLLEGİYASI QƏRAR
№ 3-17/3-5-22/2025 Bakı şəhəri 08 oktyabr 2025-ci il Azərbaycan Respublikası Əmək və Əhalinin Sosial Müdafiəsi Nazirliyinin Kollegiyasının 2016-cı il 28 mart tarixli 3 nömrəli Qərarı ilə təsdiq edilmiş "Kənd təsərrüfatı sahəsinə aid olan qulluqçu vəzifələrinin Vahid Tarif-İxtisas Sorğu Kitabçası"nda dəyişiklik edilməsi barədə "Lisenziyalar və icazələr haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2023-cü il 24 oktyabr tarixli 1007-VIQD nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi haqqında" Azərbaycan Respublikasının 2025-ci il 11 aprel tarixli 179-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi barədə" Azərbaycan Respublikası Prezidentinin 2025-ci il 2 iyun tarixli 402 nömrəli Fərmanının icrasının təmin edilməsi haqqında" Azərbaycan Respublikasının Nazirlər Kabinetinin 2025-ci il 12 iyun tarixli 345s nömrəli Sərəncamının 3-cü hissəsinin icrasını təmin etmək məqsədilə, Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş "Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə"nin 5.10-cu bəndini rəhbər tutaraq Azərbaycan Respublikasının Əmək və Əhalinin Sosial Müdafiəsi Nazirliyinin Kollegiyası qərara alır:
1. Azərbaycan Respublikası Əmək və Əhalinin Sosial Müdafiəsi Nazirliyinin Kollegiyasının 2016-cı il 28 mart tarixli 3 nömrəli Qərarı ilə təsdiq edilmiş "Kənd təsərrüfatı sahəsinə aid olan qulluqçu vəzifələrinin Vahid Tarif-İxtisas Sorğu Kitabçası"nda dəyişiklik təsdiq edilsin (əlavə olunur).
2. Nazirliyin Aparatının Hüquq şöbəsinə (G. İsgəndərova) tapşırılsın ki, bu Qərarın qəbul edildiyi gündən üç gün müddətində Azərbaycan Respublikasının Hüquqi Aktların Dövlət Reyestrinə daxil edilməsi üçün Azərbaycan Respublikasının Ədliyyə Nazirliyinə çatdırılmasını təmin etsin.
3. Nazirliyin Aparatının İctimaiyyətlə əlaqələr şöbəsinə (F. Talıbov) tapşırılsın ki, bu Qərarın Azərbaycan Respublikasının Hüquqi Aktların Dövlət Reyestrinə daxil edildikdən sonra 72 saat müddətində elektron daşıyıcıda mətn faylları formasında rəsmi dərc edilməsini təmin etsin.
4. Qərarın icrasına nəzarət Azərbaycan Respublikası Əmək və Əhalinin Sosial Müdafiəsi Nazirliyinin 2025-ci il 21 aprel tarixli 3-17/3-2-78/2025 nömrəli Əmri ilə müəyyən edilmiş vəzifə bölgüsünə əsasən həyata keçirilsin. Kollegiyanın sədri Anar Əliyev Azərbaycan Respublikasının Əmək və Əhalinin Sosial Müdafiəsi Nazirliyi Kollegiyasının 08 oktyabr 2025-ci il tarixli 3-17/3-5-22/2025 nömrəli Qərarı ilə təsdiq edilmişdir. Azərbaycan Respublikası Əmək və Əhalinin Sosial Müdafiəsi Nazirliyinin Kollegiyasının 2016-cı il 28 mart tarixli 3 nömrəli Qərarı ilə təsdiq edilmiş "Kənd təsərrüfatı sahəsinə aid olan qulluqçu vəzifələrinin Vahid Tarif-İxtisas Sorğu Kitabçası"nda dəyişiklik
1. "TARİF-İXTİSAS XÜSUSİYYƏTLƏRİ"ndə aşağıdakı dəyişikliklər edilsin:
1.1. "RƏHBƏRLƏR" bölməsi üzrə:
1.1.1. "KƏND TƏSƏRRÜFATININ BİTKİÇİLİK SAHƏSİNDƏ MÜƏSSİSƏ RƏHBƏRİ" hissəsinin on altıncı abzasında "qeydiyyata" sözü "dövlət qeydiyyatına" sözləri ilə əvəz edilsin;
1.1.2. "KARANTİN MƏNTƏQƏSİNİN MÜDİRİ; PESTİSİD POLİQONUNUN MÜDİRİ" hissəsinin iyirminci abzasında "qeydiyyata" sözü "dövlət qeydiyyatına" sözləri ilə əvəz edilsin;
1.2. "MÜTƏXƏSSİSLƏR" bölməsi üzrə:
1.2.1. "SAHƏ ÜZRƏ APARICI AQRONOM" hissəsinin dördüncü abzasının ikinci cümləsində "qeydiyyatdan" sözü "dövlət qeydiyyatından" sözləri ilə əvəz edilsin;
1.2.2. "KARANTİN ÜZRƏ MÜFƏTTİŞ (aparıcı müfəttiş də daxil olmaqla)" hissəsi üzrə:
1.2.2.1. ikinci abzasın üçüncü cümləsinə "İxrac" sözündən sonra "(təkrar ixrac)" sözləri, "fitosanitar" sözündən sonra "(təkrar ixrac fitosanitar)" sözləri əlavə edilsin;
1.2.2.2. altıncı abzasın ikinci cümləsindən ", yuxarı təşkilat tərəfindən verilmiş idxal karantini icazəsi kimi mühüm sənədləri" sözləri çıxarılsın;
1.2.2.3. yeddinci abzasın birinci cümləsinə "ixracı" sözündən sonra "(təkrar ixracı)" sözləri əlavə edilsin;
1.2.2.4. səkkizinci abzasa "İxrac" sözündən sonra "(təkrar ixrac)" sözləri, (ikinci halda) "fitosanitar" sözündən sonra "(təkrar ixrac fitosanitar)" sözləri əlavə edilsin;
1.2.2.5. onuncu və on üçüncü abzaslara "fitosanitar" sözündən sonra "(təkrar ixrac fitosanitar)" sözləri əlavə edilsin;
1.2.2.6. on beşinci abzasda "qeydiyyata" sözü "dövlət qeydiyyatına" sözləri ilə əvəz edilsin.